Dear Kuya Uriel,
Hi...! Mangutana lang ko sa kahulogan sa akong awom. Duha ni ka buok, naa sa ibabaw sa balikhaw. -- 0919-5094691
TUBAG: Kanang imong awom nagpasabot nga adunay mabug-at nga responsibilidad nga angay nimong tumanon. Nagkahulogan usab kini nga posibleng maapektohan ka sa problema sa uban. Duna kay pagpakabana sa kahimtang sa imong palibot.
* * *
Dear Kuya Uriel,
Good day. I was born on November 30, 1966. Gusto ko sanang malaman ang aking kapalaran. Paano at saang larangan ako mag-succeed? Thanks and more power to your column. -- 0917-3543357
TUBAG: Natawo ka sa tuig sa kabayo. Nahimugso ka sa petsa nga ang elementong tubig maoy essence of the day. Kusog ang buylo sa life force nga namugna sa petsa sa imong pagkahimugso. Magpasalig kini alang kanimo og kinabuhi nga tugob sa kadagaya. Dako kaayo ang purohan nga makabaton og katumanan ang imong mga pangandoy sa kinabuhi. Epektibo ka sa natad sa trabaho nga may kalabotan sa advertising, impormasyon, paugnat sa kusog, panambal, politika ug edukasyon.
* * *
Dear Kuya Uriel,
Good day to you. I want to know my CHI. I was born on July 18, 1981 and my wife was born on April, 1968. Compatible ba mi, kuya? Lima na ang among anak. Thanks and more power. -- 0916-5805059
TUBAG: Natawo ka sa tuig sa baboy. Kusog ang buylo sa positive CHI nga namugna sa petsa sa imong pagkahimugso. Nagpasalig kini alang kanimo og luho nga kinabuhi. Apan dili ako makahatag og vibration mahitungod sa imong asawa sanglit wala man nimo ihatag ang petsa kanus-a siya natawo, ang tuig ug buwan ra may imong gitug-an. Dili gayod ako makatumbok kun compatible o perfect match ba kamo.
* * *
Dear Kuya Uriel,
Good day. Mangutana lang ko bahin sa punsoy sa among balay. Bale annex lang ni sa balay sa akong in-laws. Mag-atubang kini sa highway. Wala may kalinaw ang among pagpuyo ug kanunay nihit ang kuwarta. Thanks. -- 0917-3326102
TUBAG: Kulang kaayo ang imong deskripsiyon mahitungod sa posisyon sa imong balay. Bisan pa man, akong isugyot nga kun mahimo usba ang pagkapahimutang sa pultahan niini, kanang mag-atubang ngadto sa karsada apan walay dakong punoan sa kahoy o poste nga makatungod niini. Labing maayo usab nga magbutang kamog bagua sa tungod sa pultahan mayor. Mao na kini ang sagad nga gigamit karon.
* * *
Dear Kuya Uriel,
Maayong adlaw. Unsay kahulogan sa akong awom sa tunga-tunga sa akong dughan? Thank you. -- 0928-2659120
TUBAG: Kanang imong awom nagpasabot nga may lapad nga pagsabot ka sa mga butang ug panghitabo sa imong palibot. Malagmit dili ka daling mokondenar sa kasaypanan nga nahimo sa imong isigkatawo. Makasabot ka sa ilang kahisagmuyo ug mga yangungo. Dili ka makatabang sa tanan nga nanginahanglan.
* * *
Dear Kuya Uriel,
Mangutana ko kun unsay meaning sa akong awom sa ilong dapit sa bangag, left side. Thank you and God bless. -- 0921-4124500
TUBAG: Ang imong awom nagpasabot nga daghang mga oportunidad nga moagi sa imong kinabuhi. Ang pipila niini tugbangan og mga kakulian. Nagbutyag usab kini’g pahimangno nga likayan mo ang pagpahimulos sa kahuyang sa uban.
* * *
(Kun aduna kamo’y buot pakisayran bahin sa punsoy, kahulogan sa awom, damgo ug uban pa, text sa 0910-8105522).