Dear Kuya Uriel,
Good day. Gusto kong makahibalo unsay kahulogan sa awom sa left side ubos sa baba. Salamat. -- 0919-4625047
TUBAG: Ang imong awom nagkahulogan nga may kinaiya ka sa pagka-indifferent. Ang buot ipasabot niini mao nga gusto kang ilhon nga lahi sa uban. Posibleng imo kining ipadayag pinaagi sa pagsupak sa baroganan sa uban. Diha sa mga kaponongan, lisod ang pagkab-ot og consensus kun anaa ka. Ma-enjoy ra ba ka kun adunay plano sa uban nga malawgaw tungod nimo. Kun mosulti ka, gusto sab nimo kining lawgawon. Usahay, bisan dili maoy imong tuyo ang pagmugna og kagubot apan kini maoy mahitabo. Directly or indirectly, usa ka sa mabasol kun may kagubot nga mahitabo sa imong palibot. Sa panahon nga ikaw mosulti, posibleng daghan ang motuo kanimo.
* * *
Dear Kuya Uriel,
Good day. I’m Kurt of Lapulapu City. I want to know my CHI. I was born on July 25, 1988. My girlfriend was born on October 30, 1988. Thank you very much. More power and God bless. -- 0920-3376720
TUBAG: Managsama kamong natawo sa tuig sa dragon. Mas kusog ang momentum sa imong life force o CHI kay sa CHI nga nabatonan sa imong girlfriend. Bukas alang kanimo ang daghang kahigayonan sa pag-asenso. Sa natad sa gugma, giklaro sa punsoy nga dili kamo perfect match. Komplikado ang kinabuhi kun kamo ang magkadayon ngadto sa kaminyoon.
* * *
Dear Kuya Uriel,
Hi...! I’m Anthony. Unsay kahulogan sa akong awom sa walang aping? Thank you very much and God bless. -- 0909-3435151
TUBAG: Ang imong awom may kalabotan sa imong kinaiya pagpakanaog og desisyon sa imong kinabuhi. Dili kalikayan nga sa matag karon ug unya kinahanglang mopakanaog ka og desisyon aron pagplansa sa mga kakulian ug paghatag og kasulbaran sa mga suliran. Tigdaghan ka og hukom; mausabon. Hinuon, kun may tawo nga maayong mopasabot, kadali ka ra usab nga malukmay. Dili ka lisod tambagan bisan usahay mopatigbabaw ang imong tinguha nga ang imo ra gyung pagbuot maoy matuman. Dili maayo nga paumhan mo ang imong gusto kay posibleng magnudnod kini kanimo sa kalaotan.
* * *
Dear Kuya Uriel,
Good day. I’m your avid reader. Unsa may kahulogan sa akong damgo nga bitin? Permanente lang gyud kong magdamgo ini. Ngano man kini? Unsay buot ipasabot niini? Thank you very much. -- 0910-2144973
TUBAG: Ang pagdamgo og bitin nagbaton og managlahing kahulogan, depende sa nakita mong scenario sa imong damgo. Lainlaing talan-awon sa damgo, lainlain usab ang kahulogan niini.
Kun sa imong damgo nakita ka nga may gibilikisan sa usa ka bitin-- mahimong ikaw o laing tawo -- nagkahulogan kini nga posibleng may daotang panghitabo nga mohakop sa imong kinabuhi. Wala iklaro kun kini may kalabotan sa imong panginabuhi o trabaho, negosyo, love life o sa bisan unsang field of endeavor. Basta kay makaapekto gayod ang maong hitabo sa imong kinabuhi ug kinaugalingong panikaysikay.
Kun ang bitin nakita mo sa imong damgo nga naglataylatay lang o ba kaha nagkamang, kini nagpasabot nga aduna ikaw madawat nga balita nga makalipay kanimo. Posible nga ang maong balita makatabang pagwakli sa mga komplikasyon sa imong kinabuhi.
* * *
Dear Kuya Uriel,
Good day. Ask lang unta ko’g meaning sa damgo. Nagdamgo ko nga gikasal pag-usab ang akong cousin sa simbahan. Wala siya nag-gown. Casual ra iyang sinina. Unsay kahulogan niini? Thanks. -- 0915-2747389
TUBAG: Ang imong damgo nagpasabot nga adunay mahinungdanong okasyon nga mahitabo sa imong kinabuhi. Seguradong makalipay kini kanimo. Dili man tuod nga matawag nga dako ang maong hitabo apan kini may significant alang kanimo. Posible nga may kalabotan kini sa gugma ug pamilya. Labing maayo nga karon pa lang gani, magpaabot ka sa tumang kahinam sa pag-abot sa maong higayon. Kun mahimo, ayaw gayod kalimot sa pagpasalamat sa Dios sa mga grasya nga imong nadawat. Pasalamati ang Labaw’ng Makagagahom tungod sa paghatag niya kanato sa gasa sa kinabuhi.
* * *
(Kun aduna kamo’y buot pakisayran bahin sa punsoy, kahulogan sa awom, damgo ug uban pa, text sa 0910-8105522).