No. 1 at 6 most wanted ng Isabela, nadakma
SANTIAGO CITY, Isabela, Philippines — Dalawang akusado na tinaguriang number 1 at number 6 most wanted sa lalawigang ito ang matagumpay na nadakip sa magkahiwalay na operasyon ng pinagsanib na puwersa ng pulisya kamakalawa.
Kinilala ang mga akusado na sina alysa “Jose,” 22, residente ng Barangay Maligaya sa bayan ng Tumauini at alyas “Ferdie,” 18, residente ng Barangay Alibagu, City of Ilagan na kapwa nahaharap sa kasong panggagahasa.
Si Jose ay dinakip ng mga tauhan ng Tumauini PNP sa Barangay Maligaya sa bayan ng Tumauini sa kasong Statutory Rape, habang si Ferdie naman ay dinakip ng mga pinagsanib na operatiba ng Ilagan City PNP, 201st Maneuver Company, RMFB2, RID2, at RIU2 sa Barangay Alibagu, City of Ilagan.
Kapwa walang inirekomendang piyansa ang hukuman para sa dalawang akusado.
Nasa pangangalaga ngayon ng pulisya ang dalawang nadakip na akusado para sa kaukulang dokyumentasyon at disposisyon bago iharap sa pinagmulan ng Warrant.
- Latest
