P54 milyong shabu nasamsam ng PDEA
MANILA, Philippines — Nasamsam ng mga tauhan ng Philippine Drug Enforcement Agency (PDEA) sa isang drug operation ang nasa P54.4 milyon halaga ng shabu noong Martes ng gabi sa Naga City, Cebu.
Ayon kay PDEA Central Visayas chief Joel Plaza na ang mga nasamsam na droga ay tumitimbang ng walong kilo sa apat na suspek sa Barangay Tuyan, pasado alas-11:25 ng gabi.
Kinilala ang mga suspek sa mga alyas Clifford, Joseph, Maricel at Barbara, na mga residente ng Naga at Mandaue.
Bukod sa mga nakumpiskang shabu ay nasamsam din ang bundles ng marked money, pitong cell phones na ginagamit sa transation at kanilang mga identification card.
Samantala, nasa 220 gramo ng shabu na nagkakahalaga ng P1.49 milyon ang nakumpiska ng anti-narcotics police officers sa Iloilo City noong Martes ng hapon.
- Latest
















