61-anyos na rider, dedo sa salpukan
MANILA, Philippines — Isang 61-anyos na rider ang nasawi matapos na makasalpukan ng minamaneho niyang motorsiklo ang isa pang motorsiklo sa gitna ng daan sa Urdaneta City, Pangasinan, noong Linggo ng gabi.
Idineklarang dead- on-arrival sa ospital ang hindi na pinangalanang biktima dahil sa matinding pinsalang tinamo sa ulo.
Habang sugatan naman ang dalawang sakay sa nakabanggaan niyang motorsiklo na parehong dinala sa ospital.
Ayon sa otoridad, pawang walang suot na helmet ang mga sangkot sa insidente.
Sa naantalang ulat kahapon ng pulisya na ang insidente ay nangyari sa Barangay Cabaruan noong Linggo ng gabi.
“Siguro po hindi nila nakalkula ‘yung daan nila kaya nagka-head on collision sila sa gitna ng kalsada,” ayon kay Police Captain Vladimir Lalas, investigation officer, Urdaneta City Police Station.
- Latest
