Grade 1 pupil nalunod sa swimming pool

MANILA, Philippines — Isang Grade1 pupil ang nasawi matapos na malunod sa swimming pool ng isang resort sa Brgy. San Jose, Antipolo City, Rizal nitong Miyerkules.

Kinilala ang nasawing biktima na si alyas “Zian”, 8-anyos, residente ng Brgy. Inarawan ng nasabing lungsod.

Sa ulat ng Antipolo City Police, alas-2:05 ng hapon nang maganap ang insidente sa isang resort sa Barangay San Jose, Antipolo.

Nabatid na sumama ang biktima sa kapwa vendor na si Kim, 22, upang maligo sa naturang resort.

Nagtungo umano sa shower room si Kim dahil giniginaw na at para magbihis habang hindi umano inakala na bumalik pa sa swimming pool ang biktima.

Nakita sa kuha ng CCTV na tumalon ang biktima sa malalim na bahagi ng swimming pool at hindi na lumutang.