Rider, angkas lasog sa bus
PILI, Camarines Sur, Philippines — Nagkalasug-lasog ang katawan ng motorcycle rider at angkas nito matapos na mabangga ng kasalubong na bus sa kahabaan ng diversion road sa Brgy. San Vicente, Pili, Camarines Sur kamakalawa ng hapon.
Dead-on-the spot ang angkas na si Gringo, 27-anyos, ng Balete, Aklan habang naisugod pa sa Bicol Medical Center sa Naga City ang duguan at walang malay na rider na si Joel, 26-anyos, residente ng bayan ng Goa pero ideneklarang dead-on-arrival.
Hawak na ng mga pulis at nahaharap sa kaso ang drayber ng nakabanggang Rosing Bus Lines na si Samuel, 61-anyos ng Iriga City.
Sa ulat, alas-3:50 ng hapon ay magkasalubong na binabagtas ng motorsiklo ng mga biktima at bus ang kahabaan ng highway.
Gayunman, pagdating sa lugar ay lumiko pakaliwa ang motorsiklo dahilan para mabangga sila nang paparating at rumaragasang bus.
Sa lakas nang pagkakabangga tumilapon sa kalsada si Joel habang pumailalim sa bus ang angkas na si Gringo pati na ang motorsiklo at nakaladkad pa ng ilang metro.
- Latest
