Konduktor gutay sa sagasa ng 2 sasakyan

CAVITE, Philippines — Nagkagutay-gutay ang katawan ng isang konduktor matapos  masagasaan ng dalawang magkasunod na sasakyan habang tumatawid sa kahabaan ng Arnaldo Highway sa Barangay San Francisco, Gen. Trias City, kamakalawa.

Sa ulat mula sa tanggapan ni Cavite Police Provincial Office director PCol Ariel Red, alas-9:30 ng gabi habang papatawid ang biktima nang bigla siyang salpukin isang kotseng Toyota Vios 1.3 XE CVT Sedan na minamaneho ng driver na si alyas “Gil”, 55, ng Brgy. Anabu 1-A, Imus City, Cavite.

Bunsod into, tumilapon ang biktima na sa kasamaang palad ay muling nasagasaan ng paparating na dump truck na hindi nakuha ang plate number saka siya tinakasan ng driver.

Sa tindi ng pagkakasagasa sa biktima, nagkagutay-gutay ang katawan nito. Nagsasagawa na ng follow-up investigation ang pulisya upang matukoy ang tumakas na nagmamaneho ng dump truck habang sinampahan na ng kaukulang kaso ang driver ng kotse na unang nakasagasa sa nasabing pedestrian.