Mga minors nangulata

CEBU, Philippines — Gipangita  sa kapolisan sa Dakbayan sa Talisay ang mga menor de edad nga giingong nikulata sa usa usab ka menor de edad nga babaye diha sa baybayon sa Barangay Cansojong, Dakbayan sa Talisay.

Si Police Lt. Col. Maila Maramag, hepe sa kapolisan sa Talisay miingon nga usa ka Oliva Tambasen ang ni-post sa social media nagpakitabang nga mailhan ang nagkulata sa iyang pag-umangkon.

Matud pa ni Maramag nga ang Gender and Development (GAD) focal person sa Barangay Cansojong nakaila na sa duha nga nikulata, samtang dunay usa ka ginikanan sa menor de edad nga nalambigit nga taga Barangay Biasong ang giimbestigar sab bahin niini.

Ang pangidaron sa nalambigit gikan sa 10 ngadto sa 15 anyos, wala say impormasyon kun unsay motibo nganong gikulata sa grupo ang bata.

Nakig alayon na ang TCPS  sa City Social Welfare and Development (CSWD) aron mointerbiner. (BANAT NEWS)