2 baril ng trader tinangay ng katiwala
MANILA, Philippines — Dalawang kalibreng baril ng isang negosyante na may-ari ng isang rice farm ang tinangay ng pinagkakatiwalaang caretaker sa kanyang palayan sa Sitio Gugo. Brgy. Malainen Bago, Naic,Cavite.
Nadiskubre lamang ang ginawang pagnanakaw ng suspek na kinilala sa alyas na Ram, 38, tubong Negros Occidental, caretaker nang tumawag sa biktima ang kapit-bahay nito hinggil sa ‘di umano’y ilang araw nang walang nagbabantay at nag-aasikaso sa farm nito.
Agad nagtungo ang biktima na kinilalang si Luke Elmer Buado, 41, residente ng Brgy. Bayanan Bacoor City, sa kaniyang farm at pagdating dito ay nadiskubre na abandonado na ang farm.
Nang magsiyasat ito sa loob ng farm ay nadiskubre na wala na sa kaniyang cabinet ang 2 firearms nito na NORIN/Pistol Two Toned Caliber 45 at ROCK ISL/Rifle Caliber .22LT.
Napag-alaman na 2 beses lamang sa isang buwan kung magtungo dito ang biktima at ang suspek ang ginawa nitong caretaker.
- Latest
