Kagawad kritikal sa balisong ng kapitbahay

PLARIDEL, Quezon, Philippines — Nasa malubhang kalagayan sa ospital ang isang barangay kagawad matapos pagsasaksakin ng kapitbahay sa Barangay Ilosong sa bayang ito, kamakalawa ng umaga. 

Ang biktima na nagtamo ng mga sugat sa iba’t ibang parte ng katawan ay kinilalang si Elmer Vera Cruz, 47, binata, residente at incumbent barangay councilor habang nakilala lamang ang suspek sa alyas “Danny”, 42,binata, karpintero.

Ayon sa pulisya, bandang alas-10:30 ng gabi ay sakay ang biktima ng kanyang motorsiklo at tumatawid sa riles ng tren. Habang bahagya siyang ­nakahinto sa daan ay lumapit ang suspek at inundayan ng sunud-­sunod na saksak gamit ang isang “Balisong” o “bente nueve”. 

Matapos ang pananaksak, naglakad lang papatakas ang suspek habang ang biktima ay isinugod ng isang tricycle driver sa RAKK Hospital.

Inaalam pa ng pulisya ang motibo sa krimen.