Convenience store pa sa Cavite hinoldap ng naka-face mask

CAVITE, Philippines — Isa na namang convenience store sa lalawigan ito ang inatake at hinoldap ng armadong lalaki na naka-face mask, kamakalawa sa Brgy. Tejeros Convention, bayan ng Rosario.

Sa ulat ng pulisya, alas-2:30 nang pumasok ang suspek na nagpanggap na kustomer sa 7-eleven at nang makakuha ng tiyempo ay dito na nagdeklara ng hold-up.

Agad na tinutukan ng baril ang cashier na si Jana Encase at tinangay ang perang laman ng kaha na hindi bababa sa P10,000.

Matapos na makulimbat ang pera, mabilis na tumakas ang suspek na nakasuot umano ng itim na jacket at naka-facemask.