4 obrero tepok sa tangke ng patis!
OBANDO, Bulacan, Philippines — Patay ang apat na lalaking trabahador matapos na hindi makahinga sa nakabaong concrete tank ng abandonadong pabrika ng patis sa Brgy. Panghulo ng nasabing bayan kamakalawa ng hapon.
Kinilala ang mga nasawing biktima na sina Rodolfo Tolentino, caretaker; Michael Lumukso, Eduardo Salomag at Raffy Felix; kapwa nasa hustong gulang at mga construction worker.
Sa report ng Obando Police, naganap ang insidente bandang alas-2:00 ng hapon nitong Oktubre 3, sa may pabrika ng patis sa Brgy. Panghulo.
Ayon sa imbestigasyon, unang namataan ng helper na nagngangalang Allan sa lugar ang nakahandusay na si Tolentino sa kanyang nililinis na concrete tank na may lalim na 12 talampakan.
Agad na humingi ng tulong si Allan sa tatlo pang nabanggit na obrero na nasa lugar para saklolohan sana si Tolentino subalit sila rin ay hindi na nakahinga at nalagutan ng hininga sa loob ng naturang tangke.
- Latest
