14-anyos binatilyo na-trap, tepok sa sunog
MANILA, Philippines — Patay ang isang binatilyo nang sumiklab ang isang sunog sa kanilang tahanan sa Binangonan, Rizal kahapon ng madaling araw.
Ang biktima ay nakilala lang sa alyas na “Cyrus”, 14-anyos at residente ng Belen St., Brgy. San Carlos, Binangonan.
Lumilitaw sa inisyal na ulat ng Binangonan Municipal Police Station na dakong alas-12:40 ng madaling araw nang sumiklab ang sunog sa tahanan ng biktima.
Nakulong umano ang biktima sa loob ng nasusunog nilang tahanan na nagresulta sa pagkamatay nito.
Dakong alas-12:55 ng madaling araw nang maideklarang under control at tuluyang naapula ang sunog.
Sa pagtaya ng mga awtoridad, aabot sa P7,500 ang halaga ng mga ari-arian na tinupok ng sunog.
Inaalam pa naman ng mga awtoridad ang naging sanhi ng pagsiklab ng poy.
- Latest
