Probinsiya

7 natatanging indibiduwal tumanggap ng ‘Medalya ng Karangalan’ sa Quezon

Tony Sandoval - Pilipino Star Ngayon

August 22, 2024 | 12:00am

7 natatanging indibiduwal tumanggap ng â��Medalya ng Karangalanâ�� sa Quezon

Nagpakuha ng larawan sa pagtatapos ng Quezon Medalya ng Karangalan Awards 2024 sina (mula kaliwa) Ma. Nova V. Veluz; DILG Quezon Provincial Director Abigail N. Andres, CESO V; Quezon Gov. Doktora Helen Tan; Pia Estrella (wife), Major General Dennis G Estrella, Villamor Estrella (mother), Gumaca Mayor Webster Letargo, Gumaca Councilor Ruvilon Mercurio, Quezon Vice Governor Anacleto “Third” Alcala, at Quezon Provincial Administrator Manuel Butardo.

STAR/File

MANILA, Philippines — Pitong natatanging indibiduwal ang napili upang tumanggap ng kauna-unahang “Quezon Medalya ng Karangalan (QMK) Award” na inilunsad ng Panlalawigang Pamahalaan ng Quezon.

Ang “QMK Awards” ay ipagkakaloob upang gunitain ang buhay at gawa ng yumaong Pangulong Manuel Luis Quezon.

Kabilang sa tumanggap ng parangal sina Nilo Belarmino Alcala II ng Lucena City para sa Culture, Music, and the Arts; retired PGen. Dionardo B. Carlos, Lucena City-Public Service; Gen. Dennis Gamasan Estrella, para sa Gumaca-Public Service.

Ang Special Achievement award ay iginawad naman kina Cris Nievarez, Atimonan-Sports; Jeffrey Dimailig-Education; Dr. Marco Antonio Rodas, Atimonan-Culture, Music, and the Arts; at Gregorio I. Racelis, Education.

Ang Quezon Gintong Medalya ng Karangalan ay isang award-giving body na responsable sa malalimang pagsasala ng mga nominado para sa QMK Award. Ito ay binubuo ng QMK Secretariat at miyembro na kumakatawan sa iba’tibang sektor kabilang dito sina Frederick Villa, presidente ng Southern Luzon State; Ma. Nova Veluz, may-ari ng Buddy’s Restaurants; Rafael Tantuco; Maritess J. Balquera ng Rotary Sariaya at manager ng Radyo Pilipinas Lucena.

Habang sa NGOs sector ay sina Alyssa Lucelle E. Reynales; Leonardo da Vinci International Art Prize Awardee; Dr. Raynell A. Inojosa-OIC Section Head & Senior Science Research Specialist, Philippine Space Agency. Samantala, ang lupon ng Medalya ng Karangalan ay binubuo nina PD. Abigail N. Andres, CESO V DILG Quezon Province (Government Sector) Chaiperson-QMK 2024 Lupon ng Medalya ng Karangalan.