Bagong PMA Superintendent, itinalaga
![Bagong PMA Superintendent, itinalaga](https://media.philstar.com/photos/2024/07/21/1_2024-07-21_22-53-42.jpg)
MANILA, Philippines — Itinalaga ng Armed Forces of the Philippines (AFP) si Rear Admiral Caesar Bernard Valencia bilang bagong Superintendent ng Philippine Military Academy (PMA) sa turnover ceremony sa Fort del Pilar, Baguio City kamakalawa.
Ayon kay Col. Xerxes Trinidad, Chief ng AFP Public Affairs Office, si Valencia ay miyembro ng PMA “Bigkis Lahi” Class 1990 na nagsilbi bilang Philippine Navy Vice Commander noong 2022.
Si Valencia ay dati ring nanungkulan bilang Commander ng Naval Forces Northern Luzon noong 2019 bago naluklok na Chief of Naval Staff noong 2021.
Pinangunahan naman ni AFP Chief of Staff Gen. Romeo Brawner Jr., ang turnover ceremony kasabay ng retirement honor para kay Lt. Gen. Rowen Tolentino, ang pinalitan sa posisyon ni Valencia.
Si Tolentino ay nagsilbing ika-84th PMA Superintendent simula noong Agosto 12, 2022. Hinawakan din nito ang mga pangunahing posisyon sa AFP na kinabibilangan ng ika-42nd Commander ng 2nd Infantry “Jungle Fighter” Division, 18th Commander ng 703rd Infantry “Agila” Brigade, Deputy Commander ng Philippine Army’s Training and Doctrine Command at Chief of Staff of the Philippine Army.
Sa kaniyang talumpati, sinabi ni Brawner na ang panahon ng panunungkulan ni Tolentino ay puno ng dedikasyon at hindi matatawarang commitment para sa pagpapabuti pa ng tungkulin nito bilang opisyal ng militar.
- Latest