Transwoman minartilyo ng selosong bf, patay!
![Transwoman minartilyo ng selosong bf, patay!](https://media.philstar.com/photos/2024/07/16/1_2024-07-16_22-02-44.jpg)
MANILA, Philippines — Patay ang isang transwoman matapos umanong martilyuhin sa ulo ng kanyang selosong nobyo noong Linggo ng hapon sa Davao City.
Basag ang bungo ng biktima na kinilalang si Kent Lubaton, 30-anyos, nang matagpuan sa loob ng kanyang kuwarto sa Bago Aplaya, Davao City.
Arestado naman sa follow-up operation ng mga awtoridad ang suspek sa Malalag, Davao del Sur na nagtago matapos ang pamamaslang.
Bago ito, lumilitaw na nakita pa ng ilang saksi nitong Sabado ng gabi na nag-iinuman ang biktima at suspek sa bahay ng una.
Kinabukasan ay napansin ng saksi na nagmamadaling umalis ng bahay ang nobyo ng biktima.
Wala namang komosyon o alitan sa pagitan ng dalawa bago matagpuang patay ang biktima.
Sa pagsisiyasat ng Davao City police, selos ang nakikita nilang motibo dahil kinumpronta umano ng suspek ang live-in partner na biktima sa pagiging malapit nito sa ibang lalaki.
Nahaharap sa kasong murder ang suspek.
- Latest