Magsasaka, tepok sa suwag ng alagang kalabaw

MANILA, Philippines — Isang 42-anyos na magsasaka ang nasawi nang suwagin ng kaniyang alagang kalabaw na maghapon niya umanong pinag-araro naganap sa Las Navas, Northern Samar.

Sa ulat nitong Huwebes,sinabing nangyari ang insidente sa sakahan sa Barangay San Andres ng nasabing bayan.

Sinabi ng pulisya na matinding init ang posible umanong dahilan kaya naging agresibo ang hayop kaya’t nagawa nitong suwagin ang kanyang amo.

Hindi na nagbigay ng pahayag ang pamilya ng magsasaka sa nangyari.