2 Nigerian nahulihan ng P6.2 milyong droga

MANILA, Philippines — Dalawang Nigerian ang inaresto ng pulisya sa inilatag na buy-bust operation sa isang mall sa Imus City, Cavite, kamakalawa ng hapon.

Kinilala ang dalawang suspek na sina Enuka John Chukwuemeka, nasa hustong gulang at Christopher Nwabufo, nasa hustong gulang, ng Kasoy St., Golden Acres Village, Pamplona Tres, Las Piñas City.

Sa nakalap na ulat mula sa Imus Police, alas-4:05 ng hapon nang ilatag ng mga otoridad ang buy-bust operation sa main entrance ng isang mall sa Brgy.Tanzang Luma 5.

Isang pulis ang tumayong scorer at na­kipag-deal sa mga suspek ng 40 gramo ng heroin na nagkakahalaga ng P240,000.

Nang magkaabutan ay dito na ito pinaligiran ng grupo at inaresto na kung saan nakumpiska ang nasa mahigit sa 1.4 kilo ng heroin na aabot sa mahigit P6.2 mil­yong piso at 15 gramo ng marijuana.