Estudyante na ‘most wanted’ sa rape, timbog
LUCENA CITY, Philippines — Nagwakas ang limang taong pagtatago ng isang binata na nahaharap sa kasong rape at itinuturing na Number 2 Most Wanted Person (MWP) matapos maaresto kamakalawa ng hapon sa Purok San Lorenzo, Barangay Ibabang Dupay sa lungsod na ito.
Kinilala ni PLt. Col. Ruben Ballera Jr., Lucena City chief of police ang nadakip na si Ian Austine Javier, 22 , 2nd year college at residente sa nasabing lugar.
Inaresto ang suspek dakong alas-3:15 ng hapon makaraang magpalabas ang Regional Trial Court (RTC) Branch 54 sa pamamagitan ni Presiding Judge Eileen Lim ng warrant of arrest sa kasong 2 counts of rape.
Ayon kay Lt. Col. Ballera, Pebrero 2018 nang isagawa ng suspek, na noon ay 17-anyos pa lamang, ang panghahalay sa biktimang menor-de-edad na babae at pagkatapos ay nagtago na siya sa pag-aakalang hindi magsusumbong ang biktima.
Nakapiit na sa lockup jail ang suspek at walang inirekomendang piyansa sa kanyang pansamantalang kalayaan.
- Latest
