Negosyante, dinukot ng 5 lalaki sa Cagayan
TUGUEGARAO CITY, Philippines — Nagsasagawa ngayon malalimang imbestigasyon ang mga awtoridad matapos ang insidente ng kidnapping sa isang negosyante sa bayan ng Gonzaga, Cagayan.
Kinilala ang biktima na si Romel Hoseña, 43, isang negosyante na miyembro ng Board of Directors ng NAWASA, Aparri at residente sa Brgy. Progressive sa bayan ng Gonzaga.
Batay sa report, dakong ala-1:00 ng hapon nitong Lunes nang dukutin ng limang kalalakihan ang biktima sa harapan ng kanyang bahay at isinakay sa isang pulang Toyota Innova (WPM623), subalit kinagabihan na nang maireport ang pangyayari.
Agad namang nagpalabas ng alarma ang Cagayan Police sa lahat ng himpilan ng pulisya sa lalawigan at kalapit probinsya para sa posibleng pagkakakilanlan sa ginamit na sasakyan.
Nagsasagawa pa ng masusing imbestigasyon ng pulisya para matukoy ang mga suspek at ang motibo sa pagdukot sa biktima.
- Latest
