Mister pinasok sa bahay, pinatay
PIO DURAN, AlbaY, Philippines — Dead-on-arrival sa pagamutan ang isang 54-anyos na mister matapos pasukin at barilin ng dalawang hindi kilalang gunmen sa loob ng kanyang bahay sa bayang ito kamakalawa ng gabi.
Napuruhan ng punglo sa kanyang leeg at agad nasawi ang biktimang si Adam Rebamba Pedrez, may asawa at residente ng Purok-1, Brgy. Cuyaoyao Pio Duran.
Hindi naman nakilala ang dalawang suspek na mabilis nakatakas makaraan ang pamamaril.
Sa ulat, dakong alas-8:30 ng gabi habang nasa kanyang bahay ang biktima kasama ang ilang kamag-anak nang biglang dumating ang mga suspek.
Sa hindi malamang dahilan ay bumunot ng maigsing uri ng baril ang mga suspek at walang kaabog-abog na pinagbabaril nang malapitan ang biktima.
Nang tumakas ang gunmen ay mabilis na isinugod ng mga kaanak ang biktima sa Pio Duran Memorial District Hospital pero hindi na umabot nang buhay.
- Latest
