Reporter itinumba habang nanonood ng telebisyon
MANILA, Philippines — Isang reporter ang malapitang barilin sa ulo habang nanonood ng telebisyon sa loob ng kanyang tindahan, kamakalawa ng gabi sa Calbayog City.
Ang nasawi ay kinilalang si Jesus “Jess” Malabanan, 58, correspondent ng Manila Standard, Bandera, at Reuters; at residente ng Langka St., Angeles City, Pampanga.
Base sa inisyal na imbestigasyon, alas-6:30 ng gabi ay nanonood ng telebisyon ang biktima nang marinig ng kanyang asawa ang malapitang putok ng baril sa tindahan.
Agad tinungo ng misis at nakita ang dalawang suspek na mabilis na tumakas kaya’t hindi niya nagawang mamukhaan o makilala ang mga ito.
Habang nakitang nakabulagta ang kanyang mister na may tama ng bala sa ulo ay agad dinala sa ospital, subalit idineklarang dead on arrival.
Tiniyak naman ni PRO 8 Regional Director P/BGen. Rommel Cabagnot na tututukan nila ang kaso ni Malabanan.
Kinondena naman ni Usec. Joel Sy Egco, ng Presidential Task Force on Media Security ang pagpatay kasabay ng pahayag na personal niyang tututukan ang kaso.
- Latest
