Lasing na rider utas sa road crash
TAGAYTAY CITY, Cavite , Philippines — Dead-on-the-spot ang isang rider matapos na sumalpok ang minamaneho nitong motorsiklo sa poste ng kuryente sa kahabaan ng Kaykulot Rd, Brgy.Sungay East, ng lungsod.
Ang nasawi dahil sa tindi ng pinsalang tinamo nito sa ulo at katawan ay nakilalang si Peejay Domingo, 25 anyos, residente ng Purok 117, Brgy Maitim II West, Tagaytay City.
Sa imbestigasyon ni PCpl Cipriano P Contreras III, may hawak ng kaso, bago naganap ang aksident, alas-5:00 ng madaling araw ay sakay ang biktima ng kaniyang Rusi Motorcycle na may plate number DA30864 at patungo ng East direction.
Nabatid na may kabilisan umano ang patakbo ng biktima hanggang sa tuluyan itong sumadsad sa kalsada at sumalpok pa sa poste ng kuryente.
Nabatid na lasing umano ang biktima nang maganap ang insidente.
- Latest
