2 sa most wanted ng Cavite timbog

MANILA, Philippines – Naaresto ng Criminal Investigation and Detection Group (CIDG) ang dalawa sa Most Wanted Persons (MWPs) ng lalawigan ng Cavite kahapon.

Nasakote ng mga awtoridad sa magkahiwalay na operasyon sina Stern Paul Hernandez at Jherby Paquibot.

Nadakip si Hernandez sa bisa ng arrest warrant dahil sa paglabag sa RA 9165 o Comprehensive Dangerous Drugs Act.

Si Hernandez ay pang-10 sa listahan ng MWPs ng bayan ng Naic ayon sa CIDG.

Kinilala siya bilang pinuno ng “Hernandez Criminal Gang” na sangkot sa pagbebenta ng baril at ilegal na droga sa Cavite.

Samantala, naaresto naman si Paquibot, na nahaharap sa kasong attempted murder, sa Brgy. Sineguelasan, Bacoor, Cavite.

Pang-walo sa listahan ng MWPs ng Bacoor City si Paquibot.