2 bata nalunod sa irigasyon

NORTH COTABATO, Philippines – Dalawang menor-de-edad ang nalunod matapos na mahulog sa irigasyon sa naganap na magkahiwalay na insidente sa Koronadal City, South Cotabato kamakalawa. Si Gian Falco Sanidad, 2, ng Purok Riverside, Barangay Sto. Niño ay sinasabing nalunod sa irigasyon kamakalawa ng hapon. Lumutang ang bangkay ni Sanidad sa irrigation canal sa Barangay Namnama sa nasabing lungsod bandang alas-9 ng gabi. Samantala, nalunod din sa irigasyon ang biktimang si Arthur Radam, 1, ng Purok Rosal, Barangay Namnama, bandang alas-3 ng hapon. Sa pahayag ng magulang ni Radam, tumawid ito papuntang irigasyon saka nahulog at nalunod. Napag-alamang may 1-kilometro ang layo mula sa kinahulugan ng bata kung saan naman nakita ang bangkay nito.