Inhinyerong may sakit, nagbigti

QUEZON, Philippines – Dahil sa hindi na matagalang sakit ng tiyan na nakaaapekto sa kanyang pagdumi, ipinasya na lamang ng 65-anyos na engineer na tapusin ang sariling buhay matapos magbigti kamakalawa ng umaga sa Everlasting Street sa Purok Maligaya, Barangay Gulang-gulang sa Lucena City, Quezon. Sa ulat na nakarating kay P/Supt. Joel de Mesa, kinilala ang biktima na si Engr. Amado de Torres, biyudo at nakatira sa nabanggit na barangay. Dakong alas-6:30 ng umaga nang matagpuan ng kanyang mga kaanak ang biktima na nakabitin sa loob ng palikuran ng kaniyang bahay. Bago ang pagpapatiwakal ay may ilan buwan nang idinaraing ng biktima ang matinding pananakit ng tiyan na naging dahilan upang ito ay mawalan ng gana sa pagkain at naging malungkutin.