Inhinyero utas sa tandem

MANILA, Philippines – Patay ang 59-anyos na inhinyero matapos itong ratratin riding-in-tandem gunmen sa kahabaan ng Darumuangan Road sa Zone 1, Barangay Pinmaludpod sa Urdaneta City, Pangasinan noong Biyernes ng hapon. Sa ulat ni P/Senior Supt. Rolly Saltat na isinumite sa Camp Crame, kinilala ang biktima na si Daniel Bauzon Jr., tubong Bugallon, Panga­sinan. Isinailalim naman sa kustodya ng pulisya ang 57-anyos na magsasakang kaangkas sa motorsiklo ni Bauzon na si Amado Ferrer dahil wala ni isa mang tama ng bala ng baril. Nabatid na nagmomotorsiklo ang biktima kaangkas si Ferrer nang ratratain ng tandem. Gayon pa man, si Ferrer ang nagpaabot sa himpilan ng pulisya sa naganap na pamamaril. Narekober sa crime scene ang mga basyo ng bala ng cal. 45 pistol.