Trike vs motorbike: 2 todas

OLONGAPO CITY, Philippines  -  Dalawa-katao ang namatay makaraang salpukin ng traysikel ang kasalubong na motorsiklo sa Barangay La Paz, bayan ng San Marcelino, Zambales noong Linggo ng gabi. Ayon kay P/Inspector Geoffrey Javier, hepe ng San Marcelino PNP, namatay habang isinusugod sa San Marcelino District Hospital ang mga biktimang sina Darryl Lester Sabado, 26; at Eunil Ogao-Ogao, 22, habang sugatan naman ang pasahero ng trike na si Maybelyn Doblado. Lumilitaw na nag-ovetake ang traysikel ni Sabado sa sinusundang motorsiklo kaya sumalpok naman ito sa motorsiklo ni Ogao-Ogao. Kapwa tumilapon sina Sabado at Ogao-Ogao mula sa kani-kanilang sasakyan habang nagliyab naman ang traysikel. Napag-alamang lango sa alak si Sabado nang makasalpukan ang motorsiklo ni Ogao-Ogao.