Belgian nag-suicide sa kotse
MANILA, Philippines – Kusang nagpasalubong kay kamatayan ang 54-anyos na Belgian national matapos itong magbaril sa sarili habang nagmamaneho ng kanyang kotse na sumalpok naman sa railing ng kalsada sa national highway ng Barangay Casay sa bayan ng Dalaguete, Cebu noong Sabado ng gabi.
Kinilala ng pulisya ang biktima na si Andre Josef Emiel Scheepmans, tubong Leuven, Belgium at nakatira sa Hacienda Firenze sa Barangay Maghaway, Talisay City, Cebu.
Ayon kay SPO3 Cleto Pia, si Scheepmans ay patay na nang dumating ang pulisya sa nasabing lugar bandang alas-6 ng gabi.
Nabatid din na si Scheepmans ay nagmamaneho ng kulay pilak na Toyota Innova van (YZW 449) pauwi sa Talisay City mula sa bayan ng Oslob ay sinasabing nagbaril sa ulo.
Hawak pa sa kanang kamay ng biktima ang cal. 22 pistol na ginamit sa pagpapatiwakal. Kasalukuyang hinihintay ng imbestigador ang resulta ng autopsy para kumpirmahin na nag-suicide nga ang biktima. Isinalin sa Tagalog ng patnugot
- Latest
