Mister ninakawan, tinodas ng kawatan

LEGAZPI CITY, Albay, Philippines – Napaslang ang 62-anyos na mister matapos itong ratratin ay pinagnakawan pa ng mga di-kilalang kawatan kamakalawa ng gabi sa Zone 6, Barangay Sta. Cruz Norte sa Iriga City. Sa ulat ng pulisya, naganap ang insidente dakong alas-9 ng gabi habang ang biktimang si Iñigo Cabaltera ay nakatayo sa harap ng bintana ng kanyang bahay. Tinangay ng mga kawatan ang P10,000 pera at tseke na nagkakahalaga ng P10,000 saka nagsitakas. Pinaniniwalaang natunugan ng mga kawatan na may itinatagong malaking halaga ang biktima kaya isinagawa ang krimen habang patuloy naman ang imbestigasyon.