Lider ng Sayyaf arestado
MANILA, Philippines – Isang notoryus na lider ng Abu Sayyaf urban terror group ang sugatang naaresto ng elite forces ng Philippine Army at ng lokal na pulisya matapos na manlaban sa isinagawang operasyon noong Martes ng hapon sa Barangay Marang Marang, bayan ng Sumisip, Basilan.
Sa phone interview, kinilala ni Col. Eliglen Villaflor, commander ng 4th Special Forces Battalion ang suspek na si Imran “Boh” Mijal, sub-commnader ASG na sangkot sa serye ng pambobomba.
Si Boh ay nakipagbarilan sa tropa ng militar kaya sugatang nasakote sa bisa ng warrant of arrest na inisyu ni Judge Danilo Bucoy ng Basilan Regional Trial Court Branch 2.
Kabilang sa mga kaso ni Boh ay bombing, kidnapping, extortion, pamamaslang ng mga sundalo at maging ng mga sibilyan.
Nakumpiska sa suspek ang M16 rifle, grenades, cal.45 pistol at mga bala kung saan sumasailalim na ito sa masusing tactical interrogation.
- Latest
