Negosyante sugatan sa 3 holdaper

CAVITE, Philippines – Natangayan ng malaking halaga at motorsiklo ang 38-anyos na negosyanteng Bumbay matapos itong holdapin ng tatlong di-kilalang lalaki sa Barangay Pasong Camachile 2 sa bayan ng General Trias, Cavite kamaka­lawa. Pormal na nagrekalmo sa pulisya ang biktimang si Sukhwinder Dub y Singh, ng Sta. Cecilla Subd. Sa bayan ng Tanza, Cavite at may negosyong money lending. Napag-alamang hinolpad ang biktima habang patungo sa bahay ng kanyang customer kung saan tinangay ang ipauutang na P70,000 at ang minamaneho nitong motorsiklo. Nagawang manlaban ng biktima subalit sinaksak siya ng isa sa tatlong holdaper saka tumakas.