Trak swak sa bangin: 1 patay, 5 kritikal

TUGUEGARAO CITY, Cagayan, Philippines – Imbis na Bagong Taon ay si kamatayan ang sumalubong sa isang pahinante habang lima nitong kasamahan ang malubhang nasugatan matapos mahulog ang truck sa may 300 metrong lalim na bangin sa Barangay Catubo, bayan ng Atok, Benguet kamakalawa.  Kinilala ni P/Sr. Insp. Cesar Mallong ang namatay na si Oliver Sagsago habang kritikal naman sa Benguet General Hospital ang driver na si Terrence Banwagen at mga kasamahang pahinante na sina Willy Banwagen, Jessie Elesiz Quiangao, Ricky Mike Balbueva, at si Jay-ar Yubos. Sa inisyal na ulat ng pulisya, nawalan ng preno ang truck na kargado ng tone-toneladang ipot ng manok habang bumabagtas sa kurbadang bahagi ng bulubunduking highway. Hindi na nakontrol ng driver ang manibela hanggang sa magtuluy-tuloy sa matarik na bangin.?