P50-M ari-arian, naabo
TUGUEGARAO CITY, Cagayan, Philippines – Tinatayang aabot ng P50-milyong halaga ng ari-arian ang naabo matapos masunog ang dalawang palapag na bodega ng pagkain sa Dalupang Street, Cauayan City, Isabela kamakalawa ng gabi.? Sa ulat ni F/Chief Insp. Joanne Vallejo, City Fire Marshall, nagsimula ang sunog sa bodega ng RC Commercial na pag-aari ni Clarita Cua dakong alas-8:30 ng gabi at naapula bandang alauna ng madaling araw. Wala namang nasaktan o namatay sa nasabing insidente kung saan sinasabing electrical short circuit ang pinagmulan ng sunog na umabot pa sa 25 firetrucks ang tumulong para maapula ang apoy. Sa tala, ito ang ikalawang sunog na naganap sa nasabing lungsod simula noong Lunes ng umaga kung saan nilamon din ng apoy ang Hotel and Restaurant Management building ng Isabela State University na umabot sa P2 milyon ang naabo. ?
- Latest
