Retiree nag-suicide sa burol

TUGUEGARAO CITY, Philippines – Dahilan sa matinding de­presyon at hindi makayanang pag-iisa, nag-suicide ang isang 78-anyos na mister na isang retiree sa mismong burol ng kaniyang misis sa bayan ng Narvacan, Ilocos Sur kamakalawa.

Kinilala ni PO3 Jay Callejo ang biktima na si Crisanto Cabanting, isang retiradong empleyado mula pa sa Estados Unidos.

Sa report, nabulabog ang lamay ng matandang babae matapos magbaril sa sentido ang mister nito sa harap ng burol ng asawa.

Narekober naman ng pulisya ang cal. .45 pistol na ginamit ng lolo sa pagpapakamatay. Ayon kay Callejo, lisensiyado sa matanda ang baril subalit nagpaso na ang lisensiya nito noong Marso.

Ayon sa mga kaanak, hindi matanggap ng biktima ang pagpanaw ng kabiyak na siyang nagtulak dito upang kitilin ang buhay.