Checker na-suffocate sa manhole, utas
MANILA, Philippines – Patay ang isang 24-anyos na checker makaraang aksidenteng ma-suffocate sa loob ng manhole ng isang nakadaong na barko sa pier ng Brgy. Bulacan, Mabini, Batangas, kamakalawa.
Sa ulat ng Batangas Police, kinilala ang nasawing biktima na si Marlon Macayan, 24-anyos, checker sa Webb Fontaine na idineklarang dead-on-arrival sa Mabini General Hospital.
Bandang alas-9:30 ng gabi nang ireport sa pulisya ni Antolin Vega Jr., 28-anyos, surveyor ng Webb Fontaine, residente naman ng Meycauyan, Bulacan ang insidente.
Sa salaysay ni Vega, dakong ala-1:40 ng hapon nang ma-suffocate ang biktima sa loob ng manhole ng barkong M/V Florinda 1 na nakadaong sa pier ng nasabing lugar.
Nabatid na ang biktima ay inutusang pumasok sa manhole ng hold number 3 ng barko para kumuha ng sample ng kargamento nitong mais pero na-suffocate ang biktima matapos na makalanghap ng phospine gas bunsod upang mahilo ito at himatayin.
- Latest
