Trike vs bus: Magtiyuhin todas

CAMARINES NORTE, Philippines - Kamatayan ang sumalubong sa magtiyuhin makaraang sumalpok ang kanilang traysikel sa kasalubong na pampasaherong bus sa kahabaan ng Ma­harlika Highway sa Purok 4, Barangay Anameam, bayan ng Labo, Camarines Norte kamakalawa ng hapon. Naisugod pa sa Camarines Norte Provincial Hospital subalit idineklarang patay sina Jefferson Ranosa, 22; at Esmundo Ranosa, 44, kapwa nakatira sa Barangay San Miguel, bayan ng Oas, Albay. Sa ulat na nakarating kay P/Supt. Jeoffrey Fernandez,  nawalan ng kontrol ang traysikel ng magtiyuhin kaya sinakop nito ang kabilang linya kaya nakasalpukan ang pampasaherong bus na may plakang UYB 293 na minamaneho ni Arnel Tormes. Tumilapon ang magtiyuhin kung saan tumama pa ang ulo sa harapan ng bus habang kakasuhan naman ang driver ng bus na ngayon ay nakakulong.