Retiradong pulis nilikida

BULACAN , Philippines  – Napaslang ang 56-anyos na retiradong pulis matapos itong pagbabarilin ng dalawang di-kilalang lalaki sa Barangay Akle, bayan ng San Ildefonso, Bulacan kamakalawa ng gabi. Walong tama ng bala ng baril ang tumapos sa buhay ni Sixto Mones, dating naka­talaga sa San Ildefonso PNP at nakatira sa nabanggit na barangay. Sa imbestigasyon ni PO1 Ryan Martin, bumisita sa resthouse ng biktima ang dalawang di-kilalang lalaki kung saan nagkaroon ng mainitang pagtatalo hanggang sa mauwi sa pamamaril. Bagama’t sugatan ay nagawang makatakbo ng biktima subalit hinabol siya at muling pinutukan ng ilang beses para masigurong patay na.