1 patay, 4 grabe sa mishap

TUGUEGARAO CITY, Cagayan , Philippines   - Patay ang 25-anyos na magsasaka habang kritikal naman ang apat pang iba matapos sumalpok ang motorsiklo sa kasalubong na traysikel sa kahabaan ng kalsada sa Barangay Gosi, Tuguegarao City, Cagayan kamakalawa ng gabi. Kinilala ni PO3 George Cauilan ang namatay na si Rafael Agustin ng Barangay Ballacayu, San Pablo, Isabela. Kritikal naman sa pagamutan ang driver ng trike na si Julius  Capal, 29; at mga pasaherong sina Jennifer Nuylan, 28; Ivy Ann Goyagoy, 22; at si Jobeth Addatu, 31. Lumalabas sa imbestigasyon na nag-overtake ang motorbike sa sinusundang sasakyan kung saan sumalpok sa kasalubong na traysikel. Idineklarang patay sa People’s General Hospital si Agustin na nagutay ang katawan sa lakas ng pagkakasalpok sa kasalubong na traysikel.