Retiradong teacher, ginilitan

CAMARINES NORTE, Philippines - - Brutal na kamatayan ang sinapit ng retiradong guro matapos pagnakawan ay ginilitan pa ng akyat-bahay sa Barangay Baluyon, bayan ng Nabua, Camarines Sur kahapon ng umaga. Nagulat na lamang ang kanyang manugang na babae na si Marjorie nang makitang duguang nakabulagta ang kanyang biyenang si Vilia Abaca. Base sa police report, tiniyempuhan ng akyat-bahay na nag-iisa ang biktima sa kanyang bahay saka isinagawa ang pagnanakaw. Dito nanlaban ang biktima kaya ginilitan ng di-kilalang lalaki saka nilimas ang mga gamit ng matanda. Pinaniniwalaang namukhaan ng biktima ang kawatan kaya siya pinatahimik.