3 patay sa road mishap

MANILA, Philippines - Kinarit ni kamatayan ang tatlo katao makaraang aksidenteng bumangga sa punong kahoy sa tabi ng highway ang sinasakyan ng mga itong motorsiklo sa Brgy. Baracca, Villasis, Pangasinan kamakalawa.

Nagtamo ng matinding sugat sa katawan ang mga biktimang sina Roy Baldim, menor de edad, driver ng motorsiklo at ang backriders nitong sina Rey Ventura at Lester Lasiste, pawang mga residente sa nabanggit na bayan.

Sa ulat ni Pangasinan Police Director P/Sr. Supt. Sterling Blanco, bumangga ang sinasakyang motorsiklo ng mga biktima sa puno ng akasya sa tabi ng highway sa nasabing barangay.

Sa lakas ng pagkakabangga ay tumilapon ang mga biktima sa loob ng malaking imburnal sa lugar na pawang nasawi noon din sa insidente.

Lumilitaw naman sa imbestigasyon na nasa impluwensya ng alak ang mga biktima ng mangyari ang trahedya.