Aborsyonista, kalaboso
NORTH COTABATO , Philippines - Bumagsak sa kamay ng pulisya ang 34-anyos na babae na pinaniniwalaang aborsyonista matapos maaktuhan kamakalawa ng gabi sa kanyang modus operandi sa Barangay Carpenter Hill, Koronadal City sa South Cotabato.
Pormal na kinasuhan ng pulisya ang suspek na si Mercy Jacabal Sabal ng nasabing barangay.
Batay sa ulat ng pulisya, lumilitaw na isang 15-anyos na dalagita ng Purok Katangawan, General Santos City ang lumapit sa nasabing manghihilot upang ipalaglag ang pinagbubuntis nito.
Dahil sa pilit na pagpapalaglag, sumama ang pakiramdam ng dalagita kaya napilitan itong dalhin sa South Cotabato Provincial Hospital.
Gayon pa man, nakaraÂting sa pulisya ang impormasyon kaya inaresto ang suspek habang inaaalalaÂyan ang biktima sa nabanggit na ospital .
- Latest
