P150K halaga ng shabu nasabat sa Laguna

MANILA, Philippines – Tiklo sa buy bust operation ang isang 23-anyos na tulak ng droga sa Laguna, ayon sa Philippine Drug Enforcement Agency ngayong Biyernes.

Nakilala ang suspek na si Carlo Santiago na residente ng Metroville Subdivision, Biñan, Laguna.

Nasakote si Santiago nitong Marso 18 matapos bentahan ang isang undercover agent ng PDEA sa Pacita Complex sa katabing lungsod ng San Pedro.

Nakumpiska sa suspek ang 50 gramo ng shabu na nagkakahalaga ng P150,000.

Nakakulong ngayon si Santiago sa PDEA-ROA4.

Nahaharap sa kasong paglabag sa Section 5 (Sale of Dangerous Drugs), Article II ng Republic Act 9165, o ang Comprehensive Dangerous Drugs Act of 2002.