3 patay sa clan war

MANILA, Philippines - Tatlo-katao ang napatay habang isa naman ang malubhang nasugatan matapos sumiklab ang clan war sa bayan ng Tipu-Tipo, Basilan kamakalawa ng umaga. Kinilala ni Captain Jefferson Mamauag, spokesman ng Army’s 1st Infantry Division ang mga biktima na sina Halim Randa, 18; Hadji Alih Ibrahim, 38; at si Amir Saribin, 21. Isinugod naman sa pagamutan sa Isabela City ang sugatang si Haber Cuevas. Bandang alas-7:30 ng umaga nang tambangan ng mga armadong kalalakihan ang mga biktima na kalabang angkan habang lulan ng jeepney sa Barangay Bohe Lebbung habang patungo ang mga ito sa Lamitan City. Samantala, nag-deploy na ng tropa ang militar upang maiwasan ang posible pang pagsiklab ng kaguluhan.