Pangulo ng Guardian pinaslang
CAMP SIMEON OLA, Legazpi City, Philippines - - Pinagbabaril hanggang sa masawi ang presidente ng grupong Guardian ng hindi pa nakilalang nag-iisang armadong salarin kamakalawa ng gabi sa Housing 1, Brgy. Sta Lucia, Magarao, Camarines Sur.
Kinilala ang biktima na si Florencio Insuya, nasa hustong gulang, Pangulo ng Guardian Bombon Chapter at naninirahan sa Sitio Sta Cruz, San Antonio, Bombon ng naturang lalawigan.
Batay sa inisyal na ulat ng pulisya, bandang alas -9:30 ng gabi ng maitala ang pamamaril sa nasabing opisyal sa lugar habang nakatayo ito sa tabi ng kalsada at naghihintay ng masasakyan pauwi sa kanilang tahanan.
Bigla na lamang umaÂnong dumating sa lugar ang suspek na nilapitan ang biktima saka pinagbabaril at pagbagsak sa lupa ay mabilis na tumakas.
Sa kasalukuyan, patuloy ang imbestigasyon ng mga awtoridad sa motibo ng krimen.
- Latest
