Police station nasunog

MANILA, Philippines - Dahil lamang sa na-over charge na laptop, nasunog ang investigation section ng Zamboanga City Police Station 7 kamakalawa ng hapon sa Brgy. Sta. Maria ng lungsod. Sa ulat ng Zamboanga City Police, dakong ala-1 ng hapon ng magsimulang lamunin ng apoy ang nasabing himpilan partikular na ang Investigation Section.

Mabilis namang nagresponde sa lugar ang mga bumbero mula sa Sta Maria fire station at naapula ang sunog matapos ang mahigit 30 minuto.

Wala namang naiulat na nasugatan at nasawi sa nasabing insidente bagaman nasunog ang mga computer at mga dokumento na gamit sa imbestigasyon ng mga pulis na nakatalaga dito.  Sa inisyal na imbestigasyon, lumilitaw na isang laptop na nakalimutang alisin sa outlet ang charger ang pinagmulan ng sunog.