Trader ginilitan ng kapitbahay

TUGUEGARAO CITY, Philippines - — Alitan ng magkatunggaling pamilya ang pinaniniwalaang motibo kaya ginilitan at pinagsasaksak pa ang isang 27-anyos na trader ng kanyang kapitbahay sa Brgy. Bonfal Proper, Bayombong, Nueva Vizcaya kamakalawa.

Kinilala ng pulisya ang biktima na sa ngayon ay naki­kipagbuno kay kamatayan na si Roman Padilla.

Lumalabas sa imbestigasyon na naglalakad lamang sa kanilang lugar ang biktima nang biglang inatake ng suspect saka mabilis na tumakas.

Isinugod ng mga sumaklolo ang biktima sa Veteran’s Regional Hospital sa Bayombong kung saan nasa kritikal itong kondisyon habang inilagay sa ilalim ng manhunt ang suspect.