P50M ari-arian ng DPWH, sinunog

MANILA, Philippines - Umaabot sa P50 mil­yong halaga ng mga heavy equipment ang winasak makaraang sunugin ng mga armadong grupo na sumalakay sa  construction site ng Department of Public  Works and Highways (DPWH) sa Barangay Titik, bayan ng Sindangan, Zamboanga del Norte kama­kalawa ng hapon.

Ang insidente ay iniulat sa pulisya nina Engineer Cris Rodrigo Cuizon ng ESR Construction Supply at Engineer Arnold Mantiza ng DPWH.

Napag-alamang abala ang mga trabahador  at empleyado ng ESR saka DPWH nang biglang lumusob ang armadong grupo sa construction site.

Walang nagawa ang mga trabahador sa ma­tinding takot­ sa mga armadong grupo kung saan agad namang binuhusan ng gaso­lina ang mga heavy equipment saka sinilaban.

Kabilang sa sinunog ay dalawang bulldozer, backhoe caterpillar na pag-aari ng ESR Construction Supply­; isang unit ng Willis jeep (SJE 975) at iba pang heavy equipment na pag-aari  naman ng DPWH.