Tagasuporta ng chairman, dinedo

MAGUINDANAO, Philippines - – Pinabulagta ang isa sa mga suporter ng kandidato sa pagka-barangay chairman habang sugatan naman ang isa pa matapos tambangan ng di-kilalang lalakimay ilang metro ang layo sa Mileb Elementary School sa bayan ng Rajah Buayan, Maguindanao kahapon ng umaga. Kinilala ang napatay na si Nasser Malang habang sugatan naman si Saudi Untong na mga pamangkin ni Datu Pingcol na kandidato sa pagka-chairman sa Barangay Mileb. Naganap ang krimen sa kasagsagan ng halalan sa may 200 metro ang layo mula sa nasabing paaralan. Una rito, nagkaroon ng komosyon sa Mileb Elementary School bilang polling precinct matapos magreklamo si Datu Pingcol kaya tinawagan nito ang kanyang mga pamangkin.Dito na niratrat ang biktima bago pa dumating ang mga pamangkin ni Pingcol.